突然，覺得自己好自私。真正發覺自己付出嘅，係有所圖嘅。以為自己付出越多，就可以從Steve身上得到越多。我愛佢嘅方法完全錯誤。唔知道點解要到今時今日先發覺自己有幾錯。真係好愚昧。
又或者咁講，我係一個好自我中心嘅人。覺得自己要嘅，自己為其他人做嘅，就一定係好嘅。太多事情都係有自己睇事情嘅角度出發。試問，我有點知道人地係未真係需要呢？
其實我係一個好幸福嘅人。有一個好錫好錫我嘅老公，爸爸媽媽又健康，細佬又聽話；同我一齊住嘅兩個表弟，雖然有時幾激氣，不過學Steve話齋，佢地好錫我，好尊重我。而我老爺都係非常錫我，每次翻紐約都會煮我最中意嘅餸俾我食。
相比起我老公，佢就冇我咁幸福。度蜜月翻嚟之后，佢哩一生最疼愛，最敬重嘅人竟然離開咗佢--去媽媽走咗。走得好令人痛心。日子一日一日咁過去，經常都會記起Steve知道噩耗時候嘅心情。每次眼淚都會不住地流。痛，真係好痛。每個人嘅心都好痛。
除此之外，我比Steve幸福嘅就係，如果我唔開心，我會識得去發泄，去傾訴，甚至發脾氣，將唔開心嘅嘢，好似倒水咁倒出嚟。
而Steve，佢只會默默承受。佢唔開心，佢冇同我講。如果唔系我要上MSN揾我一個好朋友嘅資料，都唔會知道Steve唸咩。
我除咗比Steve幸福之外，我其實係一個好失敗嘅人。STEVE唔開心，我唔知道。佢工作上嘅壓力，我唔一問再問，佢都唔會講。我真係好失敗。
我要繼續努力。我要俾佢最好嘅。而我清楚知道，要俾佢最好嘅，就係做好我自己，每日都俾佢知道我開心，教好佢兩個表弟。希望佢唔開心嘅時候會想起我。
我要更愛我老公
又或者咁講，我係一個好自我中心嘅人。覺得自己要嘅，自己為其他人做嘅，就一定係好嘅。太多事情都係有自己睇事情嘅角度出發。試問，我有點知道人地係未真係需要呢？
其實我係一個好幸福嘅人。有一個好錫好錫我嘅老公，爸爸媽媽又健康，細佬又聽話；同我一齊住嘅兩個表弟，雖然有時幾激氣，不過學Steve話齋，佢地好錫我，好尊重我。而我老爺都係非常錫我，每次翻紐約都會煮我最中意嘅餸俾我食。
相比起我老公，佢就冇我咁幸福。度蜜月翻嚟之后，佢哩一生最疼愛，最敬重嘅人竟然離開咗佢--去媽媽走咗。走得好令人痛心。日子一日一日咁過去，經常都會記起Steve知道噩耗時候嘅心情。每次眼淚都會不住地流。痛，真係好痛。每個人嘅心都好痛。
除此之外，我比Steve幸福嘅就係，如果我唔開心，我會識得去發泄，去傾訴，甚至發脾氣，將唔開心嘅嘢，好似倒水咁倒出嚟。
而Steve，佢只會默默承受。佢唔開心，佢冇同我講。如果唔系我要上MSN揾我一個好朋友嘅資料，都唔會知道Steve唸咩。
我除咗比Steve幸福之外，我其實係一個好失敗嘅人。STEVE唔開心，我唔知道。佢工作上嘅壓力，我唔一問再問，佢都唔會講。我真係好失敗。
我要繼續努力。我要俾佢最好嘅。而我清楚知道，要俾佢最好嘅，就係做好我自己，每日都俾佢知道我開心，教好佢兩個表弟。希望佢唔開心嘅時候會想起我。
我要更愛我老公
No comments:
Post a Comment