今日，原本想訓晏啲。因為一個禮拜落嚟，冇一日有足夠嘅睡眠（未就係忙結婚嘅嘢囖）。今日唔使返工，所以有機會訓晏覺。點知Steve話想我去公司陪佢。就覺得白白浪費一日休息嘅時間。仲不時俾說話Steve聽，話我有幾眼訓。終于到7點幾，可以翻屋企，一落車冇幾耐，Steve 就話好急，要去廁所，一路唔同我講嘢，話佢忍唔住。仲同我講要我自己行，佢要跑翻去先。咁我就梗係冇問題啦。我仲特登打電話俾阿Kane就佢出嚟開門俾Steve，兼出嚟睇下Steve急急跑步嘅好笑樣。我行到咁上下，見到Julie's Flower仲開喔，于是就去咗買花啦。因為每個禮拜六我都要買花俾我奶奶同大娘，因為佢地係星期六離開我地嘅，為咗紀念佢地，所以如果收工翻屋企，花店未刪，我都會去買花。買完花，翻到屋企又冇鑰匙，係咁按門鈴都冇人開門。終于有人開門，就見到廳度嘅茶幾有一個好靚嘅心型蠟燭燈火。心裡面第一樣嘢就係問："Steve 有做錯嘢咩？今日唔系我生日啊，都唔系咩特別日子?” 0係我仲估估下嘅同時，一班性感女郎係咁影相。我一面愕然，先發覺我班好姐妹同我搞咗一個Suprise Bachelorette's party!!
真係好感動啊！！！真係可以睇得出佢地係用咗好多好多好多心思去布置，去準備，去花時間去“欺騙”我--原本佢地係約咗我星期日晚搞個 Bachelorette party。
收到嘅禮物，見到嘅布置，睇到嘅朋友，佢地嘅心意，佢地俾我嘅一切真係真係令我我開心。多謝你地咁多位。
多謝！！！！
依家期待從佢地手中睇翻今晚我地影嘅所有艷照..... 哈哈哈哈
真係好感動啊！！！真係可以睇得出佢地係用咗好多好多好多心思去布置，去準備，去花時間去“欺騙”我--原本佢地係約咗我星期日晚搞個 Bachelorette party。
收到嘅禮物，見到嘅布置，睇到嘅朋友，佢地嘅心意，佢地俾我嘅一切真係真係令我我開心。多謝你地咁多位。
多謝！！！！
依家期待從佢地手中睇翻今晚我地影嘅所有艷照..... 哈哈哈哈
No comments:
Post a Comment