真係錯上加錯，放棄自己理想的同時，亦將要放棄自己的興趣。就係做DJ啦。
我原本以為，會計部同DJ係完全分開，就算如果日后要替班，都更加方便。
唉，原來唔係。周一至周五幾乎唔可以開咪。S覺得對我唔公平，一份糧做兩份嘢。
0甘我覺得分開計未得囖。原來公司唔俾。我都知道S已經好錫我，盡量幫我揮番WEEKEND的時間俾我。
我當然好感激佢啦。但係自己就覺得好委屈。0係完全失控的情況之下，我0係S間房，又喊啦。喊到收唔到聲。
但係我好認真亦都好坦白同S講，我唔係怪佢，只係我眼淺，一開始喊就一發不可收拾！好似洪水泛濫0甘。但係當我知道，S可能要慢慢減少我DJ的工作量的時候，個心真係好痛啊。一直以來，做DJ都係我興趣，要我放棄DJ，不如放棄FULLTIME，繼續努力搵公，唔使放棄理想又放棄興趣。
不過應承咗人地，唔通番工第一日就辭職咩。0甘S會好難做的。
唯有慢慢做，做到0甘上下就走啦。講真，將來的事冇人知道……不過，唉……
雖然知道冇錢，但係應承咗細S做點唱，都要做嘎！仲未及時通知STEVE，已經俾佢鬧到我喊到收唔到聲。
開咪前喊，一開咪又要扮若無其事，仲鬼打0甘精神。
已經係唔開心，得唔到STEVE安慰，仲要俾佢鬧。我真係覺得好無奈。
我知道佢的出發點係好，唔想我0甘辛苦，但係關心一個人唔係0甘嘎！
未見到面就已經開始鬧，見到面都唔肯罷休。同佢講道理，唔明白我，唔了解我，0係我受咗委屈之后，都仲要鬧我。
我要同佢過埋下半世嘎！佢，係哩個世界上最愛我，但係最唔體諒我的人。
我可以同佢一齊嗎？
我喊到番屋企，8點30就0係床上喊，喊到9點起身煮飯。
然后，佢話去買水，番黎就買咗扎玫瑰，同我道歉。
見到玫瑰果一刻，唔知點解，個心俾原來仲痛。
我好難過，吃飯的時候，當若無其事，吃完飯，準備訓覺，仍然訓唔到，一直喊。
第二日番工，對眼好痛，好辛苦。
而我，仍然難過。
No comments:
Post a Comment