最近心情都唔系太好. 但系每次當我用心祈禱過后, 心情都會好翻. 但系到尋日, 加班之后, 趕頭趕命甘趕去買餸, 一秋二楞0甘拎啲菜翻屋企的時候, 已經覺得好累! 好想翻屋企俾媽咪照顧. 后來覺得起碼係為自己心愛的人煮飯, 佢可以食到自己煮的餸, 其實都係一種福氣. 我可以為佢付出好多, 我甚至犧牲我午飯時間, 幫佢搞網站啲嘢! 我都唔介意, 我愿意, 因為我愛佢啊!
但係到今日, 我覺得真系受夠啦!
由于尋日頭痛, 唔舒服, 所以啲碗冇洗到. 今朝出門的時候急急忙忙, 所以冇提到STEVE帶飯. 差唔多5點半, 我CALL STEVE 問佢出門未, 問佢可唔可以幫我洗左啲碗, 本來我煮飯, 佢洗碗就係好天經地道的事. 佢竟然反問我, "你唔早啲同我講?" 甘唔通你見到, 我唔講你就唔幫啊? 你夠冇叫我煮飯啦, 甘我又煮? 唔通真係又係我蠢???
到左我6點鐘收工, 突然記起我冇提STEVE 帶飯, 就好驚佢唔記得帶. 一通電話問佢, 佢話: "你又冇叫我帶?"
我幾乎每日都要提! 仲要最少提3次! 但系我都會忙, 我都會多嘢做而唔記得噶! 佢唔帶, 反而怪我! 甘我煮飯黎做咩啊? 我為左啲咩啊?? 如果唔係幫佢慳錢, 幫佢儲錢, 我洗甘辛苦?!!?
我一路翻屋企, 就一路忍住喊. 一踏入家門, 就喊到收唔倒聲! 跟住見到佢吃完飯之后的飯合, 永遠都唔洗, 就更加激氣!
好無助, 好想搵人傾, 好掛住媽咪. 我好想搬去費城同翻我屋企人住. 我為左屋企, 好細個就要獨立. 我依家好想翻屋企俾爸爸媽媽錫啊!!
好辛苦啊.... 最慘的係, 當我唔開心, 鬧情緒的時候, STEVE 只會係覺得我無理取鬧....... >_<
No comments:
Post a Comment