一個禮拜前 , 我男朋友的媽咪又在一次問我買屋結婚的事. 問我? 成日都問我. 我可以點啊!? 佢個仔同我講咗好多次, 佢有佢的計劃, 有啲嘢, 做女朋友的唔應該做得太多….. 結婚的事, 我講咗好多次, 如果我男朋友話佢有計劃, 我唔通都要日日去bother 佢咩? 做到一個稱職的女朋友, 就做唔到一個好的新抱. 唉….. 佢媽媽其實好好, 好錫個仔, 都好錫我, 但系當佢有啲 " 逼婚" 的時候, 我就好辛苦!!
其實我一直都準備2008年結婚, 因為到咗2008年, 我同我男朋友都拍咗拖有9年啦!! 都9年啦, 都係時候結婚啦.
對我嚟講, 其實我係"急" 的! 我好想要BB, 但係我身體唔好, 我要0係我25歲之前生BB, 如果唔係, 我可能生唔到, 或者會有危險.
直至大概 3 個禮拜前, 我男朋友問我, 婚姻對我嚟講係咩?
當時 , 我答佢, 係將一段感情穩定化的時候. 我一直都想有自己的家庭……但係我答下答下, 好似唔知道自己想要咩甘….. 我越講越唔知道自己講咩….. 都后來, 我唸咗好耐. 我問翻自己, 其實我係想有自己的家庭, 我好要BB…. 而2008年將近, 我越來越冇信心. 我男朋友俾唔到我結婚的信心.
唔係佢唔錫我, 我知道佢好愛我, 但係佢冇辦法可以令到我有信心, 佢2008年會娶我.
我越唸就越驚, 有時會發噩夢…. 有時會神經緊張…. 直至上個禮拜, 佢媽媽在逼婚的時候, 我覺得, 我唔想結婚啦. 都已經一齊甘多年啦, 既然我男朋友俾唔到信心我, 而我又知道佢好愛我, 我, 我真係好唔想結婚啦. 我對一個家, 冇信心啦.
正當我唔再發結婚夢的時候 , 佢媽咪叫我去睇屋!!!
0甘即係玩我遮……
一個態度樂觀的人遇到的煩惱 , 點解會有0甘多嘎!?!?!
No comments:
Post a Comment