需要一個人嘅支持

尋日去考試。終于都考過咗啦。但係考試之前嘅心情真係好緊張。個頭痛咗成日。臨離開屋企之前，我問老公可唔可以等我考試，我希望考完試之后，無論考得過又好，考唔過又好，都好希望我可以即刻沖上前，攬住佢。問做3次，佢都係唔肯。如果佢要溫書，要返工，我都唔會有咁嘅一個要求，無論我係幾咁需要都好，我都唔會問佢。但係佢又啱啱考完試，又唔使返工。當我真係好需要佢0係我身邊嘅時候，佢祗會唸到，佢會一個人等我，冇嘢做……
翻到屋企，當然會同佢嘈，問佢點解唔肯為我而等我。
佢既然話因為以前等得太多……
原來等人都有quota，佢等我嘅quota已經用完啦。
從此之后佢再冇等我嘅機會。
我仍然愛佢，會做好我應該要做嘅。清醒之后，個人就變得更加懂事。

今日返工又係痛苦嘅一日，本來考完試，個個同事都替我開心，但係無情經理就狠狠地將替我開心嘅人，踩到落谷底。個個想恭喜我都要鬼鬼祟祟。搞到D人唔知係恭喜我好定唔恭喜我好。可能因為我平時人緣都好好，個個同事都會特登揾機會，偷偷恭喜我，同支持我。唉....
除此之外，冷血經理仲不停同其他同事講我嘅不是。哼，哩個經理唔得人心，個個都會同我匯報，因為個個都好錫我，替我抱不平。
真係好多謝咁多位同事。我會好努力，幫咁多位同事爭翻淡氣！！！