就俾我做壞人啦

一直以來，我都係一個既中意抱不平，但係又好霸道嘅人。哼，哩兩樣嘢好似牛頭不對馬嘴咁。不過正因為我哩個性格，慢慢將我自己變成一個好霸道而又好自私嘅人。
我霸道，自私，因為我需要佢所有嘅愛。我要全部。

仲有啊，我做人好注重planning,冇plan,就會咩都唔做。有咗plan但係有人要改我個plan，我就會有10,000,000級無名火沖上頭，然后開始變成一個好似由精神病院出嚟嘅人一樣--亂脾氣。

一個既霸道，又自私，又要有plan嘅人嚟講，做我嘅家人都好似好不幸。
本來不幸嘅就只要Steve，依家多咗兩個受害者。

公司嘅事已經令我透唔到氣啦。翻到屋企，我唔想再講原則，唔想做偉人。就俾我就壞人啦。
我唔懂事，冇分寸，傷害到身邊嘅人。
根本就冇資格做Steve嘅太太，做佢地嘅“阿嫂”。
我唔識得溫柔體貼，唔識得循循善誘去教佢地。但係我知道我心中有一套對佢地好嘅方法。 我有努力過，用心過。但係我同Steve就永遠唔係同一陣線，係教佢地嘅方法上意見極之分歧。

不過無論點，永遠只會覺得我做錯，做啱嘅就係絕對嘅應份！

最近成日同Steve爭執，因為我總係覺得我唔屬于哩個家，好似哩個屋企就只有3個人。所以Steve問我，點解我要自己孤立自己。開頭我覺得唔係啊，明明係你另我覺得一家4口只有三個人。后來我發覺可能真係我孤立咗自己。因為我愈來愈唔識點同佢地溝通啦。



俾我做個壞人啦。我凈係識得0係佢地唔開心嘅時候，做佢地聆聽嘅對象，佢地肚餓嘅時候煮嘢俾佢地食，有問題個時候俾答案或者教佢地去揾答案。但係唔該唔好挑戰我嘅情緒。
我祗不過24歲，好多嘢我仲要去學，仲要去適應噶！我唔係神啊！我唔可以做一個可以奉承得個個都開心嘅“韋小寶”啊！

我想做翻一個年輕人，一個24歲嘅年輕人可以做嘅事--可以開心，可以鬧脾氣，可以笑，可以喊....可以嘛？