今日在電臺做完第一節"中秋展銷會"的現場報道之后,我就去教會啦.然后就發生咗啲都幾有趣的事.因為其中一個參展商戶系意見珠寶行,由于現時的金價係25年來最高,所以佢地除咗賣之外,都會買金.甘我要宣傳的嘛,所以就會報最新金價囖.
好啦,跟住我去教會,今日講的經文係詩篇第十九章.講到如果我們愛神,就會知道關于神的一切,或者係盡量去了解神.如果我們愛一樣嘢,我們會關心佢的一切. 魏牧師提出一個例子, 佢話: "大家都知道啦, 依家金價好貴啊, 有冇人知道依家金價系幾多啊?" 我由于剛剛做完節目, 個答案就沖口而出. 跟住引來一陣笑聲, 魏牧師就話: "哇, 有人即刻講到個真實數字, 真系好愛金啊".
唉, 開頭係好好笑,后來越想越覺得尷尬. 其實我并唔愛金,唔愛銀.....唉....
不過無論點都好, 愛神, 愛家人, 愛朋友, 都係要用個心, 物質系永遠俾唔上一份真正的心意.
一切榮耀歸于神, 承蒙神的悅納.
No comments:
Post a Comment